Республикалул БакIчи Лакрал райондалий

Республикалул БакIчи Лакрал райондалий

 

ЧIумуйну республикалул бакIчинал буржру биттур буллалисса Сергей Меликов лахьхьу даврил аьрххилий увкIунни Лакрал райондалийн.

Республикалул БакIчи хьунаавкьунни культуралул министр Зарема Буттаевал, райондалул бакIчи Юсуп МахIаммадовлул, райондалул депутатътурал собраниялул хъунама Шяпи Щурпаевлул.
Аьрххилул лагрулий Сергей Меликов ивунни вай гьантрай тIивтIусса Гъумучиял школалийн. Шикку ихтилат бувунни педагогикалул зузалтращал.
Мичча лавгунни райондалул больницалул дуллалисса къатрачIан. Юсуп МахIаммадовлул бувсунни 2002 шиналла дайдирхьусса къатри дуллай лахъи ларгун душиву.
Муния махъ республикалул каялувчинал ххал дурунни Надир-шагьнал аьралуннащал­сса талатавриву Дагъус­ттаннал халкьуннал цашиврул ва виричувшиврул лишанну хьусса Хан-Муртазааьлил гьайкал. Му къизгъинсса талатавриву ххув хьуну гьашину там хъанай дур 280 шин.
Райондалул администрациялул конференц-заллануву Сергей Меликов хьунаавкьунни Хъунисриннал советрал вакилтуращал ва кьамул бунни агьали.
Муния махъ Сергей Меликов лавгунни Кьукуннал шяравун. Микку ххал бунни архсса шяраваллаву ялапар хъанахъисса агьалинал диспансеризация ва вакцинация буллалисса модульный ФАП.

 

Читайте также: