КВН-далул фестиваль хьунтIиссар МахIачкъалалив

КВН-далул фестиваль хьунтIиссар МахIачкъалалив

Сентябрь зурул 26-нний, ДАССР хIасул хьуну 100 шин шаврил лагрулийсса мероприятие хIисаврайгу, Петровск шагьрулул цIа даххана дурну, МахIачкъала дирзун 100 шин шаврин хаснугу, Дагъусттаннал филармониялий, ахттакьуннай ссят ххюра хьуну, дувантIий бур «МахIачкъалаллал Кубок» ласунсса КВН-далул фестиваль.

Ва даврил сиптачиталну бур МахIачкъала шагьрулул администрация ва Культуралул управление. Гьуртту хьунтIий бур, МахIачкъалаллал хьхьичIунми командартту дакъагу, хъамалгу: Сургут шагьрулиятусса «КВН БОРЦЫ», Москавлиятусса «Город ПитоН», Владикавказ ва Элиста шагьрурдаясса командарттугу.
– Ва фестивальданул Да­гъусттаннал хъуншагьрулий цачIун бувантIиссар Аьрасатнал регионнаятусса гьунар бусса, итххявхсса жагьилтал. Ца сахIналийн бувккун, цавувасса гьунарду ккаккан буваврицIун, цанма кIулмургу бусантIиссар, опытгу лаласунтIиссар, – увкунни МахIачкъала шагьрулул Культуралул управлениялул каялувчи Фарид Абалаевлул.
КоронавирусрацIун дархIусса тагьар сававну, залданувун чIявусса халкь батIин хъанай бакъар. Залданувун багьансса тIайлабацIу къахьурчагу, КВН ккаккан ччинан МахIачкъалаллал шагьрулул управлениялул Ютуб-каналданий дикIантIий дур трансляция: https://www.youtube.com/user/Kultura05/featured

Аватар

Патимат Рамазанова

Заслуженный работник культуры РД

Читайте также: