Вакцина бувсса инсантурансса кумаг

Вакцина бувсса инсантурансса кумаг

Дагъусттаннал Шяраваллил хозяйствалул министерство цачIун хьунни COVID-19 цIуцIаврийн къаршисса вакцина бувсса 60 шинаяр лавайсса оьрмулул инсантуран кумагрансса акциялийн.

Шяраваллил хозяйствалул ва дукиялул министр Баттал Батталовлул бигарданийн бувну, министрнал хъиривчу Зураб Ку­ччаевлул цаппарасса зузалтращал архIал биян бунни МахIачкъала шагьрулул Цалчинмур азарханалийн вакцина бувсса инсантурайх бачIинсса дукиялул къуршив.
Зураб Куччаевлул бусаврийн бувну, Дагъусттаннал Минсельхозпродрал цIакьсса дахIаву ду­сса дур МахIачкъала шагьрулул азарханалущал. Ва идаралул пишакартал бувкIун бур министерствалул зузалтрайн гиккура прививка дуван.
ДакIнийн бутанну, ДР-лул ЗахIматрал ва соцразвитиялул министерство сиптачи хьусса, COVID-19 цIуцIаврийн къаршисса вакцина бувсса 60 шинаяр лавайсса оьрмулул инсантуран кумагрансса акция наниссар август зурул 20-нния сентябрь зурул 20-ннийн бияннин.

Читайте также: