Миллатирттал ва диннал дянивсса арарду

Миллатирттал ва диннал дянивсса арарду

Сентябрьданул 22-нний «Дагестан» РИА-лий хьунни ДР-лул миллатрал политикалул ва диндалул иширттал министр Энрик Муслимовлул пресс-конференция. Ванил мурад бия сентябрь зурул 26-нния октябрь зурул 3-ннийн бияннин жула республикалий хьунтIисса VIII дунияллул халкьуннал ва диндалул вакилтурал дянивсса жагьилтурал форумрая бусаву.

Терроризмалул ва экстремизмалул идеологиялийн къаршисса программалул лагрулий дуллалисса форум гьан тIий дур «Солнечный берег» тIисса ЦIуллу-сагъшиву дуруччаврил ва кIулшивуртту дулаврил центрданий. Министрнал бусласимунийн бувну, шикку гьуртту хьун тIий бур 200-нния ливчусса инсантал. Форум хьун тIий дур Дагъусттаннайсса миллатирттал ва диннал дянив нахIу-хIалимшиву, дусшиву цIакь дансса агьамсса ишну. Аьрасатнал личIи-личIисса субъектирдая шикку гьуртту хьун бучIан тIий бур чIявусса жагьилтал, 20-нния ливчусса экспертътал, мукунма исламрал, православиялул ва иудаизмалул вакилтал. Нюжмардул дянив вай кIул хьунтIиссар гьарица диндалул ва миллатрал культуралущал, ххал бантIиссар Дагъусттаннайсса диндалул идарартту, тамаша бансса кIанттурду.
Гьашинусса форумрал ляличIишиву му дур, шикку гьуртту хьун оьвкуну бур Сириянал республикалиясса ва Египетнавасса сий дусса диндалул ишккаккултрайн. Ялагу, ва форумрал лагрулий бантIий бур уттинин республикалий личIи-личIину буллай бивкIсса богословтурал конференция ва Ккавкказуллал бусурмантурал конгресс.
Форум дан тIий бур Дагъусттаннан 100 шин шаврин хасну. Шикку бикIантIий бур Дагъусттаннал тарихран хас бувсса площадкарттугу.
– КIулну бикIийча тиха-шиха бувкIминнангу жула тарихрая, Дагъусттаннал халкьунная. ХIакьину республикалул кьатIув ялапар хъанай бур миллиондалия ливчусса дагъусттанлувтал. Цайми миллатирттал ва диннал инсантурал тайннал чулухуннайсса бургавугу ххуй чулиннай даххана хьувча жуятува кIул хьуну махъ, – увкунни министрнал.

Аватар

Андриана Абдуллаева

Андриана Абдуллаева

Читайте также: