Школартту хIадурну бур оьрчIру кьамул бан

Школартту хIадурну бур оьрчIру кьамул бан

Дуккаврил шинал дайдихьулий ЦIуминалийсса ЦIуссалакрал райондалул школарттай, садикирттай ва лагма-ялттусса кIанттурдай чялиш бувккун байбивхьуну бур дезинфекциялул давуртту дуллай. Вай идарарттай, оьрчIру школарттайн ва садикиртайн бачиннин коронавирусрал инфекция ппив хьун къаритаву мурадрай дачин дурну бур дезинфекциялул давуртту. Ковидрая агьали мюхчан бан давуртту дуллай бур «Центр дезинфекции» ООО-лул зузалт. Дезинфекция даву бакъассагу, ялув кIицI лавгсса идарар­ттай дуллай бур марцIшиву дуруччаву мурадрайсса давурттугу.

Коронавирусру арулва гьантлул мутталий ппив хьунсса ни­гьачIаву душиврийн бувну, пикри хьуну бур кIулшивуртту дулаврил идарарттай дезинфекциялул давуртту чялиш дуккан дансса.
КIицI лаган, ковидрая­сса нигьачIаву уттигу хьхьара къав­­­хьуну душиврийн бувну, кIул­шивуртту дулаврил идарарттай Роспотребнадзорданул чулухасса тIалавшиннарду сентябрь зурул 1-нния байбивхьуну, ду­ккаврил шин къуртал хьуннин биттур дуллан ккаккан бувну бур.
Вай тIалавшиннарду цуксса лахъи лаганссарив чIалантIиссар республикалийсса ва районнай­сса эпидемиологиялул тагьарданийн бувну. Мукунна, коронавирус ппив шаврицIун дархIусса тагьар къулай хьун­тIиссар инсантурал вакцинар­тту булларчан, хIакинтурал ва Роспотреб­надзорданул чулуха­сса тIалавшиннарду биттур дулларчан. ЦIуссалакрал райондалул школарттай сентябрь зурул 1-нин хIасул дантIиссар ковидрая буруччаву мурадрайсса цинярдагу мюхчаншивуртту.

Аватар

Имара Саидова

Журналист, обозреватель. Освещает культурные собыия в Лакском и Новолакском районах.

Читайте также: