Сентябрь зурул 2-нний Ккуллал райондалул КIулшиву дулаврил управлениялул къатраву хьунни чирилул даву. Щала Дагъусттаннай «Школалийн оьрчIру дузал бара» тIисса акциялийн бувну, Дагъусттаннал Хъаннил союзрал хъунмур Интизар Мамутаевал, Ккуллал райондалийсса шяраваллал школарттайн заназисса ятинтуран буллунни оьрчIал хъарацIун бутайсса сумкарду. Гиву дия мукунна дуккаврин аьркинсса кьай-кьуй.
Интизардул гьан бувсса сумкарду оьрчIахьхьун буллуна Ккуллал райондалул Хъаннил союзрал хъунмур Сабрина Илиясовал ва Ккуллал райондалул кIулшиву дулаврил управлениялул каялувчи Камил ТIилиевлул. Бахшиширттал заллухъруну бия: ПирмахIаммадов Жамал, Камилов Аьйдамир, Магьдиева Загьидат, Аьлиева Багьинат, СалихIов Аьлихан, Чавтараев Оьмар, ПирмахIаммадова ПатIимат, Чупанов Ислам, Амираьлиева ХIалимат, Дайтиев Идрис.
Ккуллал райондалул бакIчинал хъиривчу Анатолий Давдиевлул бувсуна шяраваллаву яхъанахъисса, школалийн нанисса ятинтуран, администрациялул хIукмулийн бувну, дуллушиву ца-цаннан кIи –кIиазарда къуруш.
ЦIуллу баннав цинявппагу чирилул давуртту дуллалими.
