Цила кIанай бур

Цила кIанай бур

Дагъусттаннал халкьуннал Цашиврул кьинилун хасну республикалул шагьрурдай ва районнай хьунни шадлугърал мероприятияртту. Ххаллилсса мероприятие дунни байрандалуцIун дархIуну Хъювхъиял Культуралул ва дялахърулул центрданий.

БавтIми барча буллалисса ихтилат бунни центрданул каялувчи Рукьижат Оьмаевал. Дуклаки оьрчIал дурккунни Дагъусттаннахасса, дусшиврухасса назмурду, увкунни балайрду.
Дагъусттаннал тарихрая, халкьуннал сянатирттая, миллатир­ттал аьдатирттая, багьу-бизулия бусласисса ихтилат бунни Рабият ХIажиевал.
Хъювхъиял шяравусса Культуралул центр бур ца яла чялишну зузиминнувасса. Царагу ккалли дан бучIисса кьини лях гьан къаритай шикку.
Рукьижат Оьмаеван циннагу вай гьантрай оьрмулул 60 шин бартларгунни. Вайннува 40-нния лирчусса шинну ванил ва даврий зий гьан дурну дур. 1979-ку шинал оьрмулул 18 шинаву Хъювхъиял шяраваллил Культуралул къатлул художествалул каялувчину бувкIун, шиккува зий бунува, був­ккуну бур Дагъусттаннал Культурно-просветительское училище. 1993-ку шиная шихунмай зий бур ва идаралул каялувчину.
Рукьижат цилла даву ххирасса ва зун гъира бусса пишакар бур.
Шяраву ванил дачин дурсса давурттая рязину бур жямат ва Культуралул управлениялул каялувчитал.
Барча тIий буру Рукьижатлухь Дагъусттаннал халкьуннал Цашиврул байрангу, оьрмулул юбилейгу. Зунсса гъирагу, гьавасгу тачIав къалещаннав виву!

Аватар

Андриана Абдуллаева

Андриана Абдуллаева

Читайте также: