Бусравсса хъамал

Бусравсса хъамал

Дагъусттаннал халкьуннал шаэр Расул ХIамзатов дакIнийн утлатисса мероприятиярду дуллалисса ва увсса кьини Да­гъусттаннал БакIчи Сергей Меликов хьунаавкьунни хасну вай мероприятиярттай гьуртту хьун Москавлия увкIсса Аьрасатнал Чичултрал союзрал председатель Николай Ивановлущал.

Хьунабакьаврий гьуртту хьунни ХIукуматрал хъунаманал хъиривчу Муслим Телякавов, культуралул министр Зарема Бутаева, Дагъусттаннал чичултрал союзрал председатель МахIаммад АхIмадов.
Николай Ивановлул барчаллагь кунни чичултрал дуллалисса давурттацIун кабакьлай бушиврухлу республикалул хъуниминнахь.
Сергей Меликовлулгу барчаллагь кунни литературалул фестивальданийн бувкIцириннахь. Гьаз бунни хьунабакьаврий, Аьрасатнал Президентнал хIукмулийн бувну, 2023 шин Расул ХIамзатовлул шинацIун дархIуну дуллантIисса мероприятиярттал суаллугу. Республикалул хъунаманал бувсунни Москавлив ва иширан хасну дунияллул халкьуннал лагрулий­сса литературалул нюжмар дуван дакIний бушиву, программалий луттирдал выставкартту, концертру дикIантIишиву. Бувсунни кьатIаллил билаятирттайгу дувансса ният душиву Расул ХIамзатовлул творчествалул мероприятияртту.

Аватар

Патимат Рамазанова

Заслуженный работник культуры РД

Читайте также: