Цалчинмур классравун наниминнан райондалул бакIчинал бахшишру

Цалчинмур классравун наниминнан райондалул бакIчинал бахшишру

КIулсса куццуй, Аьрасатнал ЗахIматрал ва соцразвитиялул министерствалул сипталийну махъсса шиннардий щалагу билаятрай буллай бур «Собери ребенка в школу» т1исса ихIсандалул акция.

Акциялул мурад бур оьрмулул захIматсса тагьардануву ливчIсса кулпатирттал оьрчIру школалийн батIин кумаг баву.
Гьарца шинал акциялий гьуртту шай Лакрал райондалул бакIчи Юсуп МахIаммадовгу. ДукIу ва гьашину цалчинмур классравун нанисса оьрчIан Юсуп МахIаммадовлул пишкаш бунни кьайлущалсса портфеллу.
Гьашину райондалул бакI­чинал цалчинмур классравун нанисса 75 оьрчIан лавсунни школалун аьркинсса гьарца кьайлущалсса портфеллу. Ми бавчIунни байрандалул линейкарттай райондалул администрациялул зузалтрал.
Гъумучиял школалий мукунна райондалул бакIчинал чулухасса бахшишру дуллунни цалчинмур классравун увкIсса 33 оьрчIан.
Цалчинмур классравун оьрчI­ру лавгсса нитти-буттахъул барчаллагьрай бур Юсуп МахIам­мадовлуйн оьрчIахсса къула­гъасрахлу.

Читайте также: