Спортрахун багьансса шартIру

ЦIуссалакрал райондалий шяраваллил кIанттурдайсса кIулшивуртту дулаврил идарарттай оьрчIру физкультуралухун ва спортрахун багьансса шартIру дузал даву мурадрайсса проектрал лагрулий Гьамиящиял ва ЦIуссалакрал 1-мур СОШ-рал хIаятирттаву бивхьунни воркаут-площадкартту.

Ва проектрайн бувну, 2015 шиная шинмай Республикалул кIулшивуртту дулаврил министерствалул сайки цинярда муниципалитетирттал школарттал хIаятирттаву бивхьуну буссар воркаут-площадкартту. Шиккува кIицI лаган, вай площадкартту хъинну тIалавну бур шяраваллаву ялапар хъанахъисса жагьилтурал ва дуклаки оьрчIал дянив.
ОьрчIаща вай площадкар­ттайн занан бюхълай бур физкультуралул дарсирдай бакъассагу, оьннасса чIумалгу. Укунсса площадкартту бишаврийн бувну, ххишаласса сант хъанай дур оьрчIру физкультуралул, спортрал чулухунмай итххяххан баврийн ва цIуллушиву цIакь даврийн.