Москавлив къуллугърал аьрххилийсса Дагъусттаннал БакIчи Сергей Меликов хьунаавкьунни Аьрасатнал шяраваллил хозяйствалул министр Дмитрий Патрушевлущал.
Миннал ххал бивгьунни региондалий дурсса давурттал хIасиллацIун ва агропромышленностьрал комплекс лябуккаврил каширдацIун бавхIусса масъалартту.
Министрнал бувсунни Дагъусттаннал АПК цалий бавцIусса тагьарданий бушиву. Мунил барашин дуллай дур шяраваллил хозяйствалул производствалул индексрал, му бур дянивну лавсъсса Аьрасатнал индексрал даражалий.
ЦIанасса ппурттуву региондалий хIаллил лакьаврил давуртту щириркIуну най дур, ларсун дур 250 азарда тонна къалмул, дукIу вара чIумалнияр тамансса ххину. 2020 шинал гьарза хьуну бия ризкьи, аьнакIив ва накI. Министрнал умуд бивхьунни гьашинугу бакIлахъия гьарзану ласаврий.
Сергей Меликовлул ва Дмитрий Патрушевлул личIину ххал бивгьунни хъузалтран кумагран итадаркьусса арцу минначIан цила чIумал диян даврил, «Комплексное развитие сельских территорий» тIисса паччахIлугърал программа бартдигьаврил, мелиоратив давуртту бакIуйн дуккан даврил масъалартту.
