Школалийнсса оьрчIал хIадуршин

Школалийнсса оьрчIал хIадуршин

 

ЦIуминалийсса ЦIуссалакрал райондалий «Инсан» тIисса чирилул фондрал ва дакI цIимисса инсантурал ка-кумаг баврийну хIасул бунни «Школалийн оьрчIру дузал бара» тIисса акция.

ЦIусса дуккаврил шинал дайдихьулий ва акциялул лагрулий кумаграх мюхтажсса мукьц1ала оьрчIан дуллунни ца-цанан шан-шаназарда къуруш арцул. Ми къахIисавну, оьрчIан пиш-каш бунни луттирду, тетрадьру, ручкарду ва цаймигу школалий ишла дан аьркинсса кьай-кьуй.
Школалийн оьрчIру хIадур буллалисса акциялул давривух гьуртту хьунни «Новострой­рал» Имамтурал советрал пред­седатель Мансур Хаваев, «Новостройрал» просвещения­лул отделданул каялувчи Аьбдулла Оьма­ев, Райондалул кIу­ши­вуртту дулаврил управлениялул хъунаманал хъиривчу Бахтун Шуаьевна, ЦIуссалакрал гимназиялул директор Светлана Султанова, ДР-лул Халкьуннал Мажлисрал депутат Амирхан Амир­ханов.
Ахирданий, акциялул сакиншинначитурал школалийн оьрчIру дузал бан кумаг баврихлу, барчаллагь увкунни ва давривух гьуртту хьусса цинявппагу спонсортурахь.

 

 

Аватар

Имара Саидова

Журналист, обозреватель. Освещает культурные собыия в Лакском и Новолакском районах.

Читайте также: