ЦIуссалакрал райондалул КIулшивуртту дулаврил управлениялул баян буллай бур ЦIуминалийсса ДучIиннал шяраву цIуну тIивтIусса «Планета детства» тIисса ва Шушиннал шяраву мукунма цIуну тIивтIусса «Ласточка» тIисса садикирттайн оьрчIру батIлатIисса электрон журалийсса аьрзарду кьамул буллай байбивхьушиву.
Ва сияхIрай оьрчIру чичин бюхъайссар «Записать в детский сад» тIисса Госуслугарттал ва «Электронный детский сад» тIисса порталдайхчIин, кIулшивуртту дулаврил аралувусса муниципал органнал властирдайхчIин ва МФЦ-дайхчIин.
ЛичIишиву дакъассар садикирттайн оьрчIру кьамул баврил хIакъиравусса аьрзарду цумур журалий чичирчангу. ХьхьичI ххуттайсса ирглий хIисавравун ласунтIиссар аьрза чивчусса чIун ва льготартту дусса кулпатру.
Нитти-буттахь ихтияр ду­ссар, кIива-шанма садикрава ца язи бувгьуну, аьрза чичин.