Гужлан дунни тIалавшиннарду

ЦIуссалакрал райондалул бакIчи МахIаммад-ХIажи Айдиевлул жямат коронавирусрал инфекциялул азардания мюхчан баву мурадрай, чIявусса инсантал батIайсса кIанттурдай, маскардал режим биттур даврил ялув бацIаву тапшур дунни волонтертурайн ва жяматийсса патрулданийн.
Шиккува кIицI лаган, пандемиялия буруччаву мурадрайсса тIалавшиннардал ялув бацIавансса жяматийсса патруллу сакин бувссар Дагъусттаннал БакIчи Сергей Меликовлул ва ДР-лул Жагьилтурал иширттал министерствалул сипталийн бувну.
Вай тIалавшиннардацIун бавхIуну, жямат батIайсса кIанттурдай волонтертурал дарчIунни маскарду, бувсунни коронавирусрал инфекциялия мюхчанну бикIансса куц. Му бакъассагу, вайннал ххал бивгьунни райондалий агьали ххилаххисса транспортраву тIалавшиннарду биттур дуллай бурив, бакъарив. Волонтертурал агьалинайн оьвчаву дунни, бурувччуну бикIияра мак­рузансса азардания, бувара вакцинартту, инсантал бу­сса кIанттурдай лавххун бикIияра маскарду тIий.
Жяматийсса патруллу сакин бувну бур райондалулКультуралул, жагьилтурал политикалул, спортрал ва туризмалул хъунаманал хъиривчу Заур МахIаммадовлул каялувшиндарай. ЧIявусса инсантал бусса кIанттурдай низам къадуручлачисса инсантал 20.6.1. администрациялул зумунусса танмихIрайн кIункIу буллантIиссар.
Коронавирусрал азар гужлан хъанай дайдирхьусса ппурттуву, агьали биттур дуллан буржлувссар Роспотребнадзорданул ва медиктурал чулухасса тIалавшиннарду.