Загьидинал арс Кадиев Шамил

Загьидинал арс Кадиев Шамил

 

 

Цаппара хIаллай къашавайгу ивкIун, оьрмулул 83 шинаву аьпа­лухьхьун лавгунни ЧIяйннал шяравасса Загьидинал арс Кадиев Шамил.
Шамил увну ур 1938 шинал ЧIяйннал шяраву хIурмат-кьиматрайсса кулпатраву. Ванал нину ПатIимат «Отличник народного просвещения», «Заслуженный учитель школ РСФСР», «Знак Почета» ордендалул шамила кавалер бия. Ва буссия Ккуллал райондалул райкомпартиялул цалчинмур секретарьну, Райисполкомрал председательну. Нитти-буттаха лавхьхьу­сса, цимурцаннуву итххявхсса, хьхьичIун ливчусса ия вайннал арс Шамилгу.
ЧIяйннал школагу къуртал бувну, армиягу лавхъун, 1961 шинал Шамил дуклан увххун ивкIссар Ростовуллал Мединститутравун.1967 шинал зий ивкIссар Бабаюртуллал райондалий санитариялул хъунама хIакинну. 1970 шинал ивтссар Дарбантуллал райондалул санитариялул хъунама хIакинну.
ДакIнийхтуну бивхьусса захIматрахлу ва лайкь хьуссар АьФ-лул ва ДР-лул хIакин тIисса бусравсса цIардан, АьФ-лул Госсанэпидслужбалул отличник тIисса хIурматрал лишандалун ва цикссагу хIурматрал грамотарттан.
Шамил ия архIал зузиминнал дянив хъуннасса авторитет ду­сса, шяраваллил жяматран бусравсса, гьарца ишираву чIарав ацIайсса, яхI-къирият дусса адамина.
Шамил аьпалухьхьун лагаврил кьурчIишиву кIидачIлай, жижара буллай буру ванал кулпатрахь, оьрчIахь, ссихь ва цинявппа мачча-гъаннахь.
РухI паракьатний дишиннав, алжаннул ххари аннав, махъминнал оьрмурдай барачат бишиннав.

ЧIяйннал жяматрал чулуха ванал гъанцири

Читайте также: