ЦIуссалаккуй цIусса ххуллурду

ЦIуссалакрал райондалий гьашинусса шинал «Мой Дагестан – мои дороги» тIисса проектрал лагрулий бакьин бан ккаккан бувну бур 12 ххуллу. Вайннува 6 ххуллу бакьин бувну бур ЦIуссаккуллал, ТIюхчардал, Барчхойотардал, Гьамиящиял ва Банайюртуллал шяраваллаву.

Гьарта-гьарзагу бувну, асфальтгу бувтIуну, бакьин бувну бур ялув кIицI лавгсса щархъавусса машинарттал ххуллурду.
Программалул лагрулий укуннасса давуртту дан кка­ккан дурну дур ЦIуссалакрал, Чапаевкаллал, Гьамиящиял ва ЦIуссачIурттащиял шяраваллавусса ххуллурдайгу. Программалийн бувну, хьхьичI ххуттай бакьин бан личIи бувну бивкIссар социал объектирдачIан гъансса ва лащинсса тагьар думи ххуллурду.
Вай давуртту даврин итабавкьуну бур 12 млн. арцул.