ЦIуссалакрал райондалий тIитIинтIий бур шанма оьрчIал багъ

ЦIуссалакрал райондалий тIитIинтIий бур шанма оьрчIал багъ

Вай гьантрай ЦIуссалакрал райондалул цIуминалийсса шяраваллавун бивунни ДР-лул кIулшивуртту дулаврил ва элмулул министрнал цалчинма хъиривчу МахIаммад Аьби­дов, Аьм­сса кIулшивуртту хьхьичIуннай даврил управлениялул хъунама МухIаммад Жамалов.

ЦIусса дуккаврил шинайннин Новостройрай тIитIинтIий бур 320 инсаннансса шанма оьрчIал багъ:
ДучIиннал шяраву «Планета детства» тIисса – 90 инсаннансса, Гьамиящиял шяраву «Золотой ключик» тIисса –140 инсаннансса ва Шушиннал шяраву «Ласточка» тIисса – 90 инсаннансса.
ЦIуссалакрал райондалул бакIчи МахIаммад-ХIажи Айдиев, ванал хъиривчу Аьли Исрапилов ва райондалул КIулшивуртту дулаврил управлениялул хъунмур Светлана Кудаева хIаласса делегациялущал хъамаллурал ххал бунни цIуну бувсса оьрчIал багъру.

КIицI лаган, вай бувну бур «Социально-экономическое развитие РД на 2016-2025» цIанилусса подпрограммалийн бувну дуллалисса давурттавух.
КIи-кIира зивулийсса садикирттал къатраву дур мюрщи оьрчIансса цинярда шартIру. Шикку личIи бувну бур утту бишинсса, тIуркIу тIунсса къатри, музыкалул классру, спортзаллу. Мудан ишла дансса щин дикIаншиврул бивхьуну бур накопительлу. ХIаятирттаву бур 15 оьрчI бусса группардансса бакьин бувсса площадкартту.
Садикирттал къатри ххал дурну махъ МахIаммад Аьбидовлул ва МухIаммад Жамаловлул дунни совещание. Ванил лагрулий ххал дирхьунни ПаччахIлугърал итоговый аттестациялул хIасиллу, мукунма вайннал ххал бивгьунни «Точки роста» тIисса цIусса центрду цукун хIадурну бурив цIусса дуккаврил шинайн.

Аватар

Андриана Абдуллаева

Андриана Абдуллаева

Читайте также: