[dropcap]И[/dropcap]юль зурул 1-4-нний Москавуллал областьрайсса Видное тIисса шагьрулий хьусса Аьрасатнал грэпплинграл первенстволий хьхьичIунсса кIантту бувгьуну зана хьунни ЦIуссалакрал райондалиясса шама спортстмен.

Первенстволий гьуртту хьунни Аьрасатнал 48 региондалия­сса, 12 шинава байбивхьуну, 21 шинавун бияннинсса оьрмулул жагьилтал.

[dropcap]В[/dropcap]а ххуллухсса первенствалийгу ЦIуссалакрал райондалул 1-мур ДЮСШ-рал тренер-преподаватель Абачараев Сулайманнул хIадур бувсса спортсментурал ларсунни кIира мусил ва ца арцул медальлу.

[dropcap]С[/dropcap]ивсуну ва кьянкьану данди був­ккун, цалчинсса кIантту бувгьунни МухIуттинов Исмяиллул ва Кочкаев МахIаммадаьлил, кIилчинсса кIану – ХIусайнов МахIаммадмухтардул.
Первенстволий ххув хьусса ЦIуссалакрал райондалул спортсментал гьуртту хьунтIиссар август зуруй Уфа шагьрулий хьунтIисса дунияллул даражалийсса грэпплинграл первенстволий.