2023-ку шин – Расул ХIамзатовлул шин

Уттигъанну ДР-лул БакIчинал буржру чIумуйну биттур буллалисса Сергей Меликовлущалсса хьунабакьаврий АьФ-лул Президентнал маслихIатчи Владимир Толстойл баян бунни, билаятрал каялувчинал хIукмулийну, 2023 шинал Аьрасатнаву лахъа-хъунну кIицI лагантIишиву Расул ХIамзатовлул 100 шинал юбилей. Ванал республикалийнсса аьрххилул хъунмур мурадгу бур му шадлугърайнсса хIадуршинна дайдишинсса.

[dropcap]Ш[/dropcap]аэрнал юбилейрацIун дархIусса агьамми шадлугъру хьунтIий дур шаэрнал ватандалий –Да­гъусттаннай.
Сергей Меликовлул, Владимир Толстойхь республикалийн учIаврихлу барчаллагьгу куну, кIицI лавгунни Владимир Путин, шаэрнал юбилей лахъа-хъунну кIицI лагаву дакъассагу, 2023 шин Аьрасатнаву Расул ХIамзатовлул шинну баян бангу дакIний ушиву.