[dropcap]М[/dropcap]ахъсса ппурттуву щала билаятрайгу, жула Дагъусттаннайгу цIуницIакул сукку хьусса
коронавирусрал инфекциялул тагьар тачIав дакъачIин захIматсса ва оьлурккусса дур.
Жула дянивату ва цIуцIаврил бигьанма зехлай бур дустал, гьалмахтал, уртакьтал, мачча-гъанми. Зехлай бур, цукунчIавсса личIишиву дакъа, заэвмигу, загълунмигу. Утти ва азар диялну жагьилгума хьуну дусса дур, яни ванил къашавайминнал дянив ххишала хъанай бусса бур оьрмулул жагьилсса инсантал, хIатта мюрщиссагума.
ХIакьинусса кьини республикалий бур коронавирусрал инфекциялия буруччаву мурадрайсса вакцинартту буллалисса 83 пункт тIивтIуну.
[dropcap]Ц[/dropcap]Iанакул сайки циняв азарханарду бувцIуну бур коронавирусрал азарлувтурал. Гьарца чулуха кумаг бан хъирив лаллай бакъар хIакинтал, медициналул зузалт, специалистал.
Мунийн бувну «Илчилул» редакциялулгу, редколлегиялулгу цIанияту жу лабизлай буру жула цинявппагу буккултрайн, лакрал агьалинайн. ЦукунчIав биччи бакъа мабикIару, дувара мюхчаншиву гьарца чулуха!
[dropcap]М[/dropcap]едициналул аралул ца яла хьхьичIунми, чантI увкуми ва за кIулми минахуртурал тIимунийн бувну, ва цIуцIаву хъин дан шайсса дарув-дарман ттигу бакъасса бур, къабикIантIийгу бусса бур му ччя-ччяни!
[dropcap]Ц[/dropcap]алсса так ца бур му цIуцIаву дайщун дан шайсса, диян къаритансса чаран – вакцина баву!
СсахчIав къабурувгун, интернетрал лагрулий ччи-ччинал ччи-ччикун ппив буллалисса лайсал хавардугу лакъаласлай, сайки диверсиялул ххуллий ишла буллалисса кунмасса «дакI цIуцIи насихIатирттахгу» вичIи къадирхьуну, чара бакъа бувара вакцина – яхъанахъира бурувччуну!
[dropcap]В[/dropcap]акцина бувну ивкIусса инсан ттун ттинин къаккавккунни цаягу. Коронавирусрал инфекциялуща ххассал бан къавхьуну литIлатIисса инсантурал ккал тIурча, дур фронтраясса сводкартту куннасса. Цукунссар яла дикIайсса инсан бакIрай ацIан ансса барашинна!?
Руслан Башаев
