[dropcap]И[/dropcap]юнь зурул 27-нний ЦIуминалийсса ЦIуссалакрал шяравусса паркраву хьунни Жагьилтурал кьинилун хас дурсса спортрал байран. Му сакин дурну дия ЦIуссалакрал райондалул Культуралул, жагьилтурал политикалул, спортрал ва туризмалул управлениялул.
Паркраву хьусса лечаврил, тIанкI чаврил, пут гьаз даврил, архъан кIункIу даврил ва цаймигу спортрал бяст-ччаллаву гьуртту хьунни шяраваллил жагьилтал, мюрщи оьрчIру ва душру. Бяст-ччаллу къуртал хьуну махъ гьурттучитурал бунни «Жу наркотикирттайн къаршиссару» тIисса фотосессия.
Мероприятие даврил агьаммур мурадну хьунни ялун нанисса никирал цIуллушиву дуруччаву ва ми спортрахун машхул баву.
Бяст-ччаллу къуртал хьуну махъ цинявппа гьурттучитуран дуллунни Культуралул, жагьилтурал политикалул, спортрал ва туризмалул управлениялул чулухасса медальлу ва призру.
Аьжа Бажаева
