Июнь зурул 6-нний МахIачкъалалив, «Махачкала-Каспий» тIисса спортклубраву хьусса акробатикалул первенствалий гьуртту хьунни Чапаево, ЦIуссаккул шяраваллавасса ва Щамхал поселокраясса командартту. Шаннагу командалуву акробатикалул бяст-ччаллаву гьуртту хьунни 80-ннийн бивсса спортсменкахъул.

ХьхьичIунсса хIасиллу ккаккан дунни ЦIуссалакрал райондалул 1-мур ДЮСШ-рал тренер-преподаватель Сидаева Анисатлул хIадур бувсса ЦIуссаккуллал ва Чапаевкаллал шяравасса спортсменкахъал.

КIилчинмур даражалул бяст-ччаллаву цалчинсса кIану бувгьунни Адуева Зубайрижатлул, кIилчинсса — Ибрагьимова Мариямлул ва шамилчинсса кIану – Мирзаева Аьйшатлул.

Турнирданул шамилчинмур даражалул бяст-ччаллаву цалчинсса кIану бувгьунни ХIасанова Сарал, кIилчинсса – ХIусайнова Анисатлул, шамилчинсса – Мирзаева Азизал, Сулайманова Фатимал ва Каранова Басиратлул. Анисат Сидаевал хIадур бувсса спортсменкахъал уттинингу республикалул даражалийсса акробатикалул турнирдай хьхьичIунсса кIанттурду бувгьуссар.