[dropcap]И[/dropcap]юньдалул 1-нний, щаллагу дунияллий кIицI лагайсса ОьрчIру буруччаврил кьини, жулла республикалул хъун шагьрулий хьунтIиссар Дагъусттан Республикалул Культуралул министерствалул, Республикалул Халкьуннал творчествалул къатлул МахIачкъала шагьрулул Культуралул управлениялущал ва Администрациялущал цачIуну сакин дурсса байрандалул шадлугъру.
– М. Горькийл цIанийсса Оьруснал театрданул хьхьичIсса майданнив ва Р. ХIамзатовлул цIанийсса проспектрайсса аллеялий ва кьини ссят 12:00 хьуния 13:30 хьуннин дикIантIиссар «Маленькие горцы» тIисса цIанилусса оьрчIал художествалул творчествалул ХI фестиваль.
– Ссят 12:00 хьуну 14:00 хьуннин – Республикалул выставка ва оьрчIал сурат дишаврил «Моя Победа» тIисса цIанилусса арт-площадка.
КIулсса куццуй, «Маленькие горцы» хъанахъиссар аьдатравун дагьсса, щаллагу республикалиясса гьунар бусса оьрчIру ца сахIналийн батIлатIисса фестивальну.
Республикалул выставкалий ва арт-майданнив тIурча, гьуртту хьунтIиссар М. Жамаллул цIанийсса Художествалул училищалул студентътал, МахIачкъала шагьрулул художествалул школардал ва искусствалул школардал тарбиялувтал. Вай давурттавух мукунна гьурттушинна дуван бюхъантIиссар ччима инсаннаща.
