Конкурс сакин дурну дия ДР-лул Жагьилтурал иширттал министерствалул ва Дагъусттаннайсса «Культуралул волонтертал» тIисса региондалул жяматийсса суккушиндарал отделениялущал цачIуну.

[dropcap]М[/dropcap]икку гьуртту хьунни ДР-лул жагьилтурал парламентрал депутат Марат РахIимов.
Ванал барчаллагь увкунни гьарица шинал патриот зумунусса балайрдал конкурсру сакин давриха зузиминнахь.
Гьашину конкурсрал давривух гьуртту хьунни 100-ния ливчусса гьунар бусса оьрчIру ва душру.

[dropcap]Ф[/dropcap]иналданийн увккунни 15 оьрчI. Жюрилул «Хъуними» ва «ОьрчIру» тIисса номинациярттай язи бувгьунни ххув хьуми. «ОьрчIру» тIимур номинациялий кIилчинмур кIану бувгьунни ЦIуссалакрал райондалиясса ЦIуссачIурттащиял школалул 6-мур классрал дуклаки оьрчI АьвдулхIалим Чихуновлул.
Конкурсрай гьуртту хьусса цинявппагу финалистуран дуллунни сертификатру, дипломру ва дакIний личIансса кубокру.