Ххувшаврил кьини Хъусращиял магьирлугърал къатлул зузалт дуклаки оьрчIащал ва детсадрал тарбиялувтуращал лавгунни шяраву бувагу бусса ца ветераннал щащар Муслимат Шахруева барча бан. Ванин ссайгъатругу буллуну, магьирлугърал зузалтрал увкунни балайрду, дуклаки оьрчIал дурккунни назмурду.
Рирщунни хъамакъабитулун суратру.
Мичча вай лавгунни Венгриянал иширттал гьурттучи Муртазааьли ЦIимпIаев барча ан. ВаначIагу увкунни балайрду, бувккунни шеърирду.
ДакIнийн бутан, Хъусращиял шярава дяъвилийн лавгун ур 350 инсан. Вайннава бачIи ливчIун бур дяъвилул майданнай, 31 зана хьуну ур мушакъат хьуну. 18 лайкь хьуну ур личIи-личIисса степеннал орденнан ва медаллан.
ХIакьинусса кьининийн шяраву ливчIун ур увагу ца дяъвилул ветеран, ХIусайнаев Саэд, цувгу яхъанай ур МахIачкъалалив.
