Дазурду дурус даврил хIакъираву

[dropcap]М[/dropcap]ай зурул 18-нний ДР-лул аьрщарал ва имуществалул ишир­ттал министрнал хъиривчу ХIабиб Жанаевлул каялувшиннаралу хьунни ЦIуссалакрал райондалия лакрал миллат бизан баврил ва Аухуллал район цIу дуккан даврил масъаларттал хIакъиравусса батIаву.

Шикку гьуртту хьунни «Дагтехкадастр» ГБУ РД-лул директорнал хъиривчу Нариман Лачинов, ЦIуссалакрал ва Къумтуркъалаллал районнал, ДР-лул Минсельхозпродрал, ДР-лул ВацIрал хозяйствалул Комитетрал, ДР-лул Шагьрулул Строительствалул ва архитектуралул комитетрал вакилтал.

Шикку ххал бивгьунни ЦIу­ссалакрал райондалия ЦIу­миналийн бизан бувсса щархъал дазурду тIайла дацIан даврил ва ми паччахIлугърал сияхIрайн лахъан даврил хIакъиравусса масъалартту.
Совещаниялул даврил лагрулий ЦIуссалакрал райондалул каялувчитурайн тапшур бунни аьрщарал давуртту дузрайн дуккан даву мурадрайсса аьрзри хасъсса подрядный идарарттайн тIайла буккаву .

Му бакъассагу, шикку кIицI лавгунни Аьхъардал, Шуниннал, Чапаевкаллал щархъал ва ЦIуссалакрал райондалул аьрщарал давурттан хасну бюджетрава арцу итадакьин аьркинну бушиву.
Совещаниялул даву ларгунни ДР-лул вице-премьер Рамазан Жяъпаровлул дурсса батIавриясса протоколданул даву биттур даврил лагрулий.