Май зурул 21-нний Поэзиялул театрдануву хьунни машгьурсса аьлимчу, паччахIлугърал ва жяматийсса ишккакку, Аьрасатнал Элмурдал академиялул академик ХIажи ХIамзатовлун 95 шин шаврин хас бувсса мажлис.
Му бачин бувну ия Дагъусттаннал халкьуннал шаэр МахIаммад АхIмадов. Аьлимчу дакIнийн утлатисса ихтилатру бувна филологиялул элмурдал доктор, Дагъусттаннал Чичултрал союзрал яруссанналмур секциялул хъунама МахIаммад МахIаммадовлул, тарихрал элмурдал доктор Муртазааьли ХIажиевлул, «Лезгинка» ансамбльданул гендиректор Жамбулат МахIаммадовлул, академикнал арснал, Аьрасатнал ПрезидентначIасса Дагъусттаннал полпред ХIамзат ХIамзатовлул ва цаймигу бусравсса вакилтурал. Концертралмур программа дия оьрус ва яру мазурдийсса.
Шеърирду бувккуна Поэзиялул театрданул ва Яруссаннал театрданул артистурал. Балайрду увкуна «Поющая Чарода» тIисса арамтурал хорданул, Дагъусттаннал опералул ва балетрал театрданул артистурал, машгьурсса балайчитурал.
