Райондалул бакIчинал цIанийсса кубок

Райондалул бакIчинал цIанийсса кубок

ЦIуминалийсса ЦIусса­лакрал школардай хъуннасса къулагъас дур спортрал даврих. Мунияту вай школардал дуклаки оьрчIал мудангу хьхьичIунсса кIанттурду бугьай райондалий ва республикалий хьусса спортрал бяст-ччаллаву.

Уттигъанну шийх хьунни ЦIуссалакрал райондалул бакIчинал цIанийсса кубок лайкь буллалисса дзюдорал первенство. Ва бяст-ччалливу мюрщи жагьилтурал дянив цалчинсса кIану бувгьуну, Кубокгу, медаль ва дипломгу лавсунни Хьурттал шяравасса Камиллул ва Ккурккуллал шяравасса Сабинал арс ХIажиев ХIажимурадлул.

ХIажимурадлун 8 шин дур. Ва дуклай ур ЦIуссалакрал гимназиялий. Занай ур ЦIуссалакрал 1-мур Мюрщи оьрчIал ва жагьилтурал спортрал школалийн, тренер Герман АьбдуллаевичлучIан. Оьрмулул чIивисса унугу, ХIажимурадлул спортрал ххуллийсса ккаккияртту чансса да­къар. Укунма цалчин­сса кIану бувгьуссия ванал ларгсса шинал Дарбантлив хьусса бяст-ччаллавугу. ХIажимурад ялун уккан­сса жагьил ур.

Жунма ттигу баянссар ванал ххувшавурттая тIисса умуд бур. Ххувшавугу барча тIий, чIа тIий буру тIайлабацIуртту, спортрал ххуллий цIу-цIусса лахъазанну.

Аватар

Андриана Абдуллаева

Андриана Абдуллаева

Читайте также: