Космосрал маччачуну ур Маннаровлул ссурахъугу

Аьламравун левхсса виричу акъасса, жула миллатрава увккун ур, аьламравун леххайминнал хIадуршиндараха зий, му аралул вирдакIраву хъунма­сса захIмат бивхьусса виричугу. Ихтилат жула хъунмур никираясса, архсса 40-ку шиннардий Гъумучиял дянивмур школагу бувккуну, Москавуллал Авиациялул институт къуртал був­сса, 1964 шиная 2001 шинайннин «Энергия» тIисса НПО-лул (цIанасса Ракетно-космическая корпорация) секторданул хъунаману зий ивкIсса, Гъухъалиятусса ХIажимурадлул арс Исмяилов Гъазиятур. Ва цувагу ур жула космонавтнал ссурахъу, Гъазил нинугу, Мусал ппугу уссу ва ссу бур.
Гъази Исмяиловлул хъазамрай наградартту ларчIун дур цува Сергей Павлович Королевлул. Гъазил оьрмулия жу гьарта-гьарзану бусанну хъиривмур номерданий.
Уттигъанну, апрельданул 1-нний, хьусса оьрмулул 90 шинал юбилейгу, ялун нанисса Космонавтикалул кьинигу барча дуллай, Гъазин чIа тIий буру цIуллу-цIакьсса оьрму ва наслулиясса ххарисса гьантри.

Читайте также: