Апрель зурул 7-нний ЦIуссалакрал райондалул администрациялул юридический отделданул хъунаманал хъиривчунал бигарду биттур буллалисса Рустам Сулаймановлул Чараваллил шяравасса Авгъан дяъвилул гьурттучи Давуд Хасиевлухьхьун дуллунни къатрал сертификат.
Рустам Сулаймановлущал архIал Авгъан дяъвилул гьурттучинан сертификат тапшур дан бувкIун бия ЦIуссалакрал райондалул администрациялул вакил СултIанат ЦIунтIаева.
Администрациялул вакилтурал, Давуд барча уллай, кIицI лавгунни Авгъан дяъвилул ветерантурал мудангу чялишсса гьурттушинна дайшиву райондалул жяматийсса ва политикийсса иширттавух ва школарттай дуллалисса мероприятиярттай ва акциярттай.
Утти Давудлуща, сертификатгу ишла дурну, бюхъантIиссар хIукуматрал итадаркьусса арцуйну къатта-къуш машан ласун ягу цIу буккан бан. Шиккува бусан, Авгъан дяъвилул ветераннансса сертификатру дуллалиссар «Оказание государственной поддержки гражданам в обеспечении жильем и оплате жилищно-коммунальных услуг» ва «Обеспечение доступным и комфортным жильем и коммунальными услугами граждан РФ» тIисса Федерал программарттал лагрулий.
