Терроризмалущалсса талатаврил программалул ххуллий Карашрал шяраваллил администрациялулгу, школалулгу инициативалий хьунни дуклаки оьрчIащалсса хьунабакьаву. Терроризмалиясса нигьачIаву ва мунил халкьуннайн биян буллалисса ва биян бан бюхъайсса балардал мяъна-мурад мюрщиминнащагу лаласун хьунсса кьяйдалий дирхьунни тIиртIусса дарс.

Му дарс дишаврил хIа­рачатчиталну ва насихIатчиталну бия: Лакрал райондалул администрациялул терроризмалийн къаршисса отделданул хъунама МахIаммад Гадаев, балугъравун къабувхминнащалсса иширттал инспектор, полициялул капитан Нариман ХIусайханов, Карашрал администрациялул бакIчи Захар ХIусайнов ва Карашрал школалул директор Эмир ХанмахIаммадов.
Дарсирал ахир-мурад мюнпатну бавцIуну лякъиннав.