Ца нахIурча ниттил маз

Ва конкурс дувайссар гьарца шинах, Ниттил мазрал кьинину хъанахъисса февраль зурул 21-нницIун дархIуну. Ва конкурс най дия КIулшиву дулаврил управлениялул къатраву. ОьрчI-душварал ккаккан бувуна цавува бусса пагьмурду: гьавасрай шеъри буккин кIулшиву, насрулийсса чичрурдаву гьуртту хъанахъисса геройтурал хасиятру ккаккан дан бюхъаву. Ккалаккисса шеърирду бия ватандалун, шяраваллан, тIабиаьтран ва миллатрал тарихраву цIарду лирчIминнан хас бувсса.

Ахирданий жюрилул язи бувгьуминнавух хьуна: Хъусращиял школалул дуклаки душ Аьлиева Камила — 1-мур кIану, 2-мур – ЧIяйннал школалул дуклаки душ СутIаева Гулмира, 3-мур – Вихьуллал школалул дуклаки душ МахIаммадова Марина.
Ххув хьуминнан буллуна дипломру. Шиккува кIицI бувуна ва ятIапрай ххув хьусса Аьлиева Камила гьантIишиву республикалул конкурсрайнгу. Ххуллухъин баннав!

Читайте также: