ЧIяйннал шяраву

Февраль зурул 7-нний ЧIяйннал шяраваллил Культуралул къатлуву хьунни 8-мур мартрал кьинилун хас бувсса «Хъамитайпа – нину» тIисса цIанилусса мажлис.

Мажлис бачин бувну бия Культуралул къатлул каялувчи СалихIат Алхасова. Ванил бувсуна кьинилул тарихрая. Шадлугърайн бавтIун бия ЧIяйннал шяраваллил интеллигенция, ниттихъул, школалул оьрчIру. Хъаннил кьини барча дуруна Апанниева ПатIиматлул, СалихIова Сабринал, Жамалуттинова ХIуриял ва цайминналгу. КIицI лавгуна хIакьинусса кьини хъамитайпалул цукунсса кIану бугьлай буссарив хIукуматрал давурттай, жяматийсса иширттаву ва кулпатирттаву.

ЧIяйннал школалул оьрчIал – Билалов АхIмадлул, СалихIов СалихIлул, Маммакьурбанов Сулайманнул, Ибрагьимов МахIаммадлул ва цайминналгу, бувккуна ниттихъан, ссурвавран хас бувсса шеърирду, увкуна балайрду.

Читайте также: