АхъницIунсса маслихIатру

АхъницIунсса маслихIатру

Инт «лирккунни» жулва ахъаву ва багъирдаву. Амма ук-тук кIинтнил циятува­сса «ссаламиран» дяркъугу гьан дувай. Зат дугьланну аьрщи ттигу гъили къалагарчангу, аьрщарай дулланмурдив чан дакъар.

* * *
ХьхьичIва-хьхьичI ахъру ва багъру марцI буван аьркинни кIинттул дякъиясса дайгьузаннуну диркIмуницIа, экьидичаймур дирчуну, ялунчIилгу аьркин дувансса духьурча, шюршуну, кьакьан дурну, ссуттилнин дуркьун.

* * *
Аьрщарайсса кьаркьсса къяртри, чIапIив, уртту дартIун, мурхьру, къатIри бакъаний ччурччуну, зат дугьлайна ишла бувансса лах хIадурди.

* * *
Гьава биялну гъили хьусса, амма щаллуну гъили хьун бувасса чIун дур мурхьирдал ва къатIрал обрезка дуван аьркинсса. ТIайлану обрезка дурну къуртал хьусса чIумал мурхьирал бикIан аьркинссар кIичIулул пурмалийсса къалип, кьабакIравагу цахъи тIивтIусса, цинярдагу къяртрайн бургъил чани ва гьава билланшиврул.
КъатIри марцI бувара кьаркьсса къяртрацIа, чIапIацIа, миннуву зиянчитал лабивкIун бикIан бюхъайссар.

* * *
Къупру буцIланнин бугьан аьркинссар мурхьру, къатIри.

* * *
Мартрал ахирданий мурхьирдайн пурх учияра зиянчитурая­сса растворданул.

* * *
Мурхьру ва къатIри известковый растворданий кIяла буван аьркинссар, ххуйшиврун, кка­ккиялун бакъача (хIатта багъру, мурхьру кIяла бувну махъ хъиннува ххуйну чIалан бикIайнугу), зиянчитурая ва кIирисса бургъил тIинттая буруччиншиврул.
– Мурхьру кIяла бувансса растворданул 10 литIра хьуншиврул ласун аьркинссар медный купоросрал дачIи кило (кIирисса щинаву бяххан був­сса), 2 ва дачIи кило известкалул ва 100 грамм казеин клейрал. Вай цимурца щинаву дяххан дурну, ххуйну хIала дурну, мурхьру кIяла буван аьркинссар кIира къатлий.
Мурхьру кIяла буллан хьхьичI марцI бувара бивзун нанисса бухсса ккирттарацIа.

Читайте также: