Уттарасса классика

Ва конкурс дия дунияллул, Аьрасатнал, Дагъусттаннал литературалувусса классиктуран хIисавминнал асарду ккалакки­сса. Шикку багьлай бия школалий къалахьхьайсса автортуралми шеърирду ва насрулий чивчумур буккин. Дуккавурттугу дия хъинну шавкьирайсса, вичIи дирхьуми ташвиш буллалисса.

Ваца классрал доскалул хьхьичI дуклаки оьрчIру бакъача, артистал бавцIусса хханссия. Ккалаккисса шеърирду мукун ххуй бивзун бияхха жюрилул члентуран, КIулшиву дулаврил управлениялул каялувчинал хъиривма Жамалуттин Оьмариевлул кIицI бувна цанма бувчIушиву, жула оьрчIру чIумущал цала кIулшиву архIал дацIан дуллай бушиву. Рязисса ихтилат бувуна мукунма КIулшиву дулаврил управлениялул каялувчи ТIилиев Камиллул, жюрилул член Аьлиева Жавгьардул. Жюрилул жям дурсса чIумал, кIул хьуна цалчинми шанмагу кIану лавсшиву ЧIяйннал школалул дуклаки оьрчIал: СутIаева Гулмирал, СутIаева Аминатлул, ХIаммаккуев Аскандардул. Зу яхIлувталлу!

Читайте также: