Жула жагьилтал Аьрасатнал аьралуннаву лайкьну къуллугъ буллай бикIайшиврия чIявуссаннан кIулссар. Бусанну ца мукунсса жагьилная. Му жагьил ур Ккуллал шяравасса Маммаев Аздардул ва Маринал арс Мурад. Мурад къуллугъ буллай ур Ломоносов тIисса шагьрулий. Ва ур цува къуллугъ буллалисса аьрали частьрай щупирну ва электрикну. Ванал бутта Маммаев Аздаргу зий уссар Ваччавсса подстанциялий электрикну. Явара, цувагу даву хъинну кIулсса зузала уссар. Ттулгу ванащал дуссар дусшиву ва хIала-гьурттушиву.
Уттигъанну Аздардуйн ва Маринайн бувкIун бур Мурад къуллугъ буллалисса аьрали частьрал командирнал чивчусса Барчаллагьрал чагъар:
ХIурмат лавайсса Аздар
ва Маринай!
Зул арс Маммаев Мурад аьрали бурж эбрат ласунну биттур буллай ур. Ванан цайнна хъар дурсса техника ва аьрали ярагъ хъинну ххуйну лавхьхьуну бур ва ишла буллайгу ур. Командиртурал увкумур кIанийн бувтун биттур буллалисса саллатI ур. Цащала къуллугъ буллалиминналгу ванал хIурмат лахъсса бур ва ми ваная эбрат ласлан бикIай. КIулли ванан цащала къуллугъ буллалиминнан хIурмат бувангу, гайннахлу махъ бусангу, чIарав ацIангу. Мурад ур бунияласса, Ватан дакIнихтуну ххирасса чув-адамина. Хъунмасса барчаллагь зун, нитти-буттан, укунсса тарбия дулаврих . Зуща пахру бан бюхъайссар зула арсная.
ХIурматращал 74429-мур
аьрали частьрал командир
Д. Бутковский
Жувагу чIа учинну Аздардун ва Маринан цIуллушиву ва талихI-тирхханну, укунсса арс тарбия увну тIий. ЦIуллу-сагъну увкIун, хьунаакьлайгу ккакканнав!
