[dropcap]В[/dropcap]ай гьантрай хьусса Оператив штабрал батIаврий Дагъусттаннал БакIчи Сергей Меликовлул барчаллагь кунни хъуннасса субботникрай гьуртту хьуминнахь. «ЦIанасса ппурттуву циняв зий буссар цIинцIал масъалалуха.
Жунма аьркинссар ва тагьар саргъун дуван гъилишиву дагьаннин. Укунсса тагьар цакуну къархьуссар, ва масъала дузал къабуллай бивкIссар стратегиялул даражалий. ХIадур къабувну бур пландалул документру, бакъар цIинцI лази-лакьи дайсса идарартту.
Документру бакъашиврийн бувну бакъар тарифругу. Тагьар ттигу оьнийн къадукканшиврул аьркинссар дузал буван документру ва даврийн уцин лайкьсса оператор», – кунни Сергей Меликовлул.
