Февральданул 24-нний МахIачкъалалив хьунни ДР-лул Халкьуннал Мажлисрал 55-мур сессия. Му бачин бувну ия ДР-лул парламентрал спикер Хизри Шихсаэдов. Сессиялий гьуртту хьунни ДР-лул ХIукуматрал члентал, парламентрал депутатътал ва цаймигу. Ихтилатру бунни фракциярттал вакилтурал.

Сессиялий ххал бигьин хIадур бувну бия 18 масъала. Дарбантуллал судирттал участокирттай бивтунни дакьаврил судиятал. Ххал бивгьунни «2020-ку шинал ДР-лий Инсаннал ихтиярдал вакилнал дурсса давурттал хIакъираву» тIисса масъала. Омбудсмен Жамал Аьлиевлул бувсунни цалва докладрал агьамми кIанттурдая. Микку хъуннасса къулагъас дурну дур коронавирусрал инфекция ппив шаврил чIумал дурсса давурттах, инсантурал ихтиярду ва тархъаншивуртту дуруччаврих, жяматийсса идарарттащалсса хIала-гьурттушивурттах. Цаппара масъалартту ххал бивгьунни кIилчин бувккуну.
Закондалул 10 проект ххал диргьунни цалчин дурккуну.
Ххал бивгьунни мукунма цайми-цайми масъаларттугу.