Агьамсса таварихран хасну

Дагъусттаннал АССР сакин хьуну 100 шин шаврин хасну щалла республикалий ттинингу хьунни, уттиния тихуннайгу хъанан тIий дур личIи-личIисса батIавуртту, шадлугъру. Уттигъанну Каспийскаливгу, Башикар Гадаевал каялувшиндаралусса Аслийсса культуралул центрданий, хьунни му таварихран хасъсса шадлугъ.


Муний гьуртту хьунни «шагьру Каспийск» ГО-лул бакIчинал хъиривчу А. Велиев, шагьрулул администрациялул Культуралул, жагьилтурал политикалул, туризмалул, физкультуралул ва спортрал управлениялул начальник Ш. Чупанов, мунал хъиривчу Г. МахIаммадов, щалагу Аьрасатнал Инвалидтурал обществалул Дагъусттанналмур отделениялул председатель Г. ХIажиев, шагьрулул школарттал дуклаки оьрчIру, Каспийскаллал хьхьирил кадетътурал интернатрал тарбиячитал ва м.ц.

ЧIюлу бувну бия Центр цуппагу, хIадур дурну дия жула халкьуннал багьу-бизулия, культуралия бусласисса выставкагу.
Хьуна чIяву миллатру бу­сса жулла республикалул культуралул, аьдатирттал аваданшивриясса, халкьуннал дянивсса дусшивриясса, жулла цашивриясса чIявусса ихтилатру. Миннул лях-карах Дагъусттаннаха­сса, Ккавкказуллахасса балайрду увкуна, назмурду дурккуна дуклаки оьрчIал. Шадлугърал музыкалулмур бутIуву мукунна хьхьичIунсса гьурттушинна дурна Пайзанат Абачараевал каялувшиндарайсса «Щаращи» тIисса фольклорданул коллективрал ва ЦентрданучIасса оьрчIал фольклорданул «Наследие» тIисса коллективрал.

Читайте также: