Январьданул 12-нния 31-ннийн бияннин, ДР-лул Жагьилтурал иширтталсса бувайсса министерствалул сакин дурну, жулла республикалий най дуссия «Дагъусттаннал халкьуннал ниттил мазру» тIисса акция. Му хас дурну дия ДАССР-нул 100 шинал юбилейран. Вай гьантрай министерствалий дунни му акциялул хIасиллу
Муний гьуртту хьуну бур личIи-личIисса оьрмурдал 1100-ннийн бивсса инсантал. Акциялий гьурттушинна дуллалиминнан багьлай бивкIссар цала ниттил мазрайсса шеъри ккалаккисса видеоролик ласун, му Инстаграмравусса ягу цамур соцсетьрайсса цалла лажиндарай дишин. Акциялий гьуртту хъанахъиминнавасса цавайннал бувккуну бур цалва чивчусса шеърирду, гайминнал – республикалул тарихийсса иширттан, цIа дурксса инсантуран хасну шаэртурал чивчуми.
Акция даврил агьаммур мурадну бур халкьуннал культуралул ирс буруччаву. Мува мурадирай уттинингу ДР-лул Жагьилтурал иширтталсса байсса министерствалул дурссар «Халкьуннал яннардавусса сурат» флешмоб ва «ДАССР сакин шаврил тарих» тIисса онлайн-проект.
