Администрациягу дуллай бур вакцинация

Январь зурул 18-нния байбивхьуну, щалагу билаятрай най дур коронавирусрал инфекциялуя мюхчан хьунсса вакцинарду баву.

Вай гьантрай ЦIуссалакрал райондалул хIакинтурал оьтту лавсунни администрациялул ва «Заманалул чIу» райондалул кказитрал зузалтрая антитела бусса-бакъасса кIул баву мурад­рай. Оьттул анализ дурну махъ вай ххал бантIиссар хIакиннал, прививка дан бучIину бурив кIул бан.

Администрациялул зузалтрал бувсунни вакцина цала хушрай бантIишиву, агана къабучIи буллалисса кIанттурду бакъахьурча.
Райондалул кказитрал зузалтраву бур чIявусса оьрчIру бусса нинухъру. Вай бур оьрчIай прививкартту дуллай аьдатсса, му цирив кIулсса инсантал. Коронавирусрал прививкарттаясса нигь лиххан дан кунма, вай бия, медиктал хьуну, цаннай цаннал температура, давление, сатурация ххал дуллай. ДакIнийн бутан, вакцинация дуллалиссар инсантал цивппа рязину. Дуллалиссар укра.

Андриана Абдуллаева

Андриана Абдуллаева

Читайте также: