Динчиталгу гьуртту хьунни субботникрай

Ларгсса ххуллункьини Ма­­хIачкъалалив хьунни шагьру ччюрклицIа марцI буллалисса субботник, шагьрулул администрациялул ва Дагъусттаннал Муфтиятрал сипталийну. Муфтинал хъиривчу МухIаммад Майранов бакIчину, кIиттуршунниха ливчусса чиваркI бувккун бия, хасъсса техникагу ишла дурну, ххиличIрурду, ччюрк дукьан. Субботникрайминнавух ия ЦIуссалакрал (Новостройрал) Имамтурал советрал председатель Мансур Хаваевгу.

– Субботник – шагьру марцI буван ччисса инсантал цачIунмай буллалисса, махъ ца бувну ва давриха зузи буллалисса давур, циняв шадну, гъирарай зий бия, шагьрулийсса иш-тагьар чIалай, жунгу, тинмайну къабавцIуну, гьурттушинна дуван ччай бия. Биччибакъулшиву къадурну ва давривух хIала бухлахисса инсантал чIалай, дакI ххари хъанай дур, – увкунни Мансур Хаваевлул.