[dropcap]М[/dropcap]ахIачкъалаллал ва Каспийскаллал дянив 29 гектарданийсса МухIаммад Идавсил (с.аь.с.) цIанийсса РувхIанийсса комплекс буллай байбивхьуния мукьах шайсса куццуй му давривух хIала бувххун бур жулва миллатгу. Гьай-гьай, гьармуниву итххявхсса, элмулувугу, дуккавривугу, давривугу хьхьичIунсса жула халкьуннаща Дагъусттаннай ислам дин цIакьгу, машгьургу дуллай бивкIсса ппухълуннал наслулуща ва давривух хIала къабувххун бацIангу къашайссия.
Ва мизит буллалаврил даву унгу-унгунусса халкьуннал стройка хьуну дур, архIала биялсса хIарачат бур лагма-ялттусса кIантту щюллишиврувун бахьлаган бувангу, уттива чIявусса мурхьру бувгьуну бур ва бугьлайгу бур, цIа кусса аллеярду бувну. КIицI лаганну тиккува бикIантIишиву Реабилитациялул центргу, Дагъусттаннал тарихрал музейгу ва мукунна цайми-цаймигу ххуйшивуртту.
Агьаммур объектнурив бикIантIий бур Мадиналийсса МухIаммад Идавсил (с.аь.с) мизитраха лавхьхьусса мизит, цуппагу мукьра зивулийсса, цал архIал 20 азара инсан лагайсса. Ва мизитрал щюлли къуппа буван бакIрайнласу бувну бур лакрал агьалинал. Ва даву бакIуйн дуккан дуван багьлай бур. Аьмну ва къуппа буван 17 миллион арцул аьркин багьлай бур. Уттинин кутIасса чIумул мутталий ца миллион ва бачIи бавтIун бур. ДакI дирссаксса кабакьу ва даврицIун буван ччиминнан вайнна реквизитру: Сбербанк: 4274 3200 6121 3560 МахIаммад Аьбдуллаевич .Телефондалул номер: +7 909 480 30 05. Телефондалул номердануцIун цIакь дурну дуссар банкрал карточка.
[dropcap]Я[/dropcap] раппий, ва даву дунияллийцири цинявппагу лак цачIунмай буллалисса давуну хьуннав! Ва мизит жува жунмару буллалисса, жулва оьрчIан ва миннал наслулунну буллалисса. Нанияра чIири-хъунсса гьурттушиву дуваннуча ва давривух. Зу бивхьусса захIмат, бувсса кабакьу АллагьначIа чирину тIайла бацIаннав!
Бачияра архIал булланнуча Лакрал Къуппа!
