Райондалул бакIчи Юсуп МахIаммадовлул сипталийну ЦIушинал байрандалийн дукиялул пакетру буллунни каникуллал гьантрай зузисса райондалул азарханалул хIакинтуран ва кIикку хъин хъанахъисса къашайшалтран.

Юсуп МахIаммадовлул бусласимунийн бувну, ЦIусса шинал каникуллал гьантрай «Единая Россия» партиялул волонтертал занай бивкIун бур райондалул агьалинан кумаг буллай. Райондалул администрациялул волонтертурахьхьун буллуну бур кIива автомобиль, амбулаториялул шартIирдай хъин хъанахъисса къашайшалтран даруртту биян булланшиврул.
Санитар-эпидемиологиялул тагьар ххуй хьунцIа лахъи дуккан дурну дур 65 шинал оьрмулуха ливчусса ва чулу (хронический) цIуцIавуртту дусса инсантурансса ссуссукьушиннарду.