«Вуз здорового образа жизни» тIисса цIанилусса щалагу Аьрасатнал ХI конкурсрай ххув хьунни Дагъусттаннал паччахIлугърал медициналул университет. Ва даврил сиптачину хьунни Аьрасатнал медициналул ва фармацевтикалул вузирдал ректортурал совет.
Конкурсраву цинявппагу гьуртту хьуссар АьФ-лул ЦIуллу-сагъшиву дуруччаврил министерствалул биялдаралу зузисса ларайсса пишакаршиврул кIулшиву дулайсса 29 дуккаврил идара.
Конкурсрал комиссиялул дурсса хIасиллайн бувну, гьурттучитал ххув хьуссар мукьра номинациялий. Миннувасса цанний – «За создание условий здоровьеформирующей деятельности и модернизации материально-технической базы для реализации оздоровительных мероприятий и формирования здорового образа жизни» номинациялий цалчинсса кIану бувгьуну, ххув хьунни Дагъусттаннал паччахIлугърал медициналул университет.
