Дагъусттаннал Виваллил иширттал министерствалул медико-санитар частьрачIасса Вакцинациялул центрданий COVID-19 азардания мюхчан хьунсса прививка дунни вай гьантрай Дагъусттаннал виваллил иширттал министр Аьвдурашид МахIаммадовлул, медициналул элмурдал доктор МахIаммад Халидовлул ва цаппара полициялул зузалтрал.
Аьвдурашид МахIаммадовлул оьвчаву дунни республикалул агьалинайн, хаснува, цала къуллугърацIун бавхIуну, жяматращал хIала-гьурттушиву ххишалану дусса полициялул зузалтрайн, цалагу, цала гъан-маччаналгу цIуллу-сагъшиврул цIаний прививкартту дувара тIисса.
Ванал барчаллагь увкунни захIматсса шартIирдай коронавирусращал талатисса хIакинтурахь.
Шиккува кIицI лаган, вай гьантрай прививкартту дантIий бур сайки цинявппа полициялул зузалтралгу.
