Къумтуркъалаллал райондалий карантин дирхьуну дур

Къумтуркъалаллал райондалий карантин дирхьуну дур

«Ветеринариялул хIакъираву» тIисса Аьрасатнал Федерациялул закондалийн бувну, ДР-лул шяраваллил хозяйствалул ва бакIлахъиялул министрнал лаизаврил гьанулий, ­яттил оьцIалттул кюру бухлаган баву мурадрай ДР-лул БакIчинал хIукму бунни:

Къумтуркъалаллал райондалий «Батлаич» тIисса гьаннарал заводрал шяраваллил хозяйствалул кооперативрал аьрщарай дуван ссуссукьушивурттал мероприятияртту (карантин). Му аьрщи дур Ххунзахъиял райондалул Арадаллал шяраваллил.
НигьачIаву дусса кIанттур­дуну ккаккан бувну бур ятту бусса кIанттурдал лагмасса 10 километралул манзилданий­сса аьрщив.
Карантин дуссаксса хIаллай та эпизоотикалул кюрттарай къадагъа дирхьуну дур, тикку зузисса инсантал личIаннин, цайми инсантал тиккун буххан, тиччату хIайвант буккан буван, ягу кIивун цайми бакьин, кIиччату ярма, накI, ппал, яттил, цIурттал луттирду ласун.
ДР-лул Шяраваллил хозяйствалул ва бакIлахъиялул министерствалийн, Роспотребнадзорданийн, Ххунзахъиял ва Къумтуркъалаллал районнал органнайн тапшур бувну бур, хIадургу дурну, щурущи дуван яттил оьцIалу духлаган дувансса давуртту. Му хIукму бартбигьаврил ялув ацIаву дуван тапшур бувну бур ДР-лул ХIукуматрал Председательнал хъиривчу Аь. Аьб­­­дулмуслимовлуйн.

ХIадур бувссар
ХI. Аьдиловлул

Читайте также: