ЦIуссалаккуй хьуну бивкIсса дяъвилул иширттая кино ласун тIий бур

ЦIуссалаккуй хьуну бивкIсса дяъвилул иширттая кино ласун тIий бур

Кино ласун най бур Дагъусттаннал ХIукуматрал ва Горькийл цIанийсса киностудиялул кабакьулийну. «Дагъусттан» кинокомпаниялул генеральный директор ва продюсер МахIаммад Аьбдулкьадировлул тавакъюрайн бувну, ЦIуссалакрал райондалий сакин бувну бур ва даврин кабакьу буллай зунсса группа. Ванил каялувшиву дуллай ур ЦIуссалакрал шяраваллил бакIчи Сулайман Рамазанов.

Вай гьантрай Дагъусттаннал ХIукуматрал председательнал хъиривчу Анатолий КарибовлучIа хьунни кинопроектрал хIакъиравусса батIаву. Шикку гьуртту хьунни таний Липецкаллал ОМОН-лул командирну ивкIсса, Дагъусттаннал миллатрал Виричу хьусса Сергей Сковородин.

ДакIнийн бутан, 1999 шинал сентябрь зурул 5-нний майор Сергей Сковородин бакIчисса Липецкаллал ОМОН-лул аьралитал бу­сса ЦIуссалакрал шяравусса Культуралул къатлуву бивкIссар боевиктурал гьужум бувсса чIумал оьрмурдацIа хьусса Андрей Теперик ва Эдуард Белан. Миннан дуллуссар Аьрасатнал Виричунал цIа (аьпалул хьуну махъ).

Продюсернал бусласимунийн бувну, кинораву гьуртту хьун­сса актертал лявкъуну бур. Ккаккан дантIий дур Телевышкалий най диркIсса талатавурттугу. Ши­кку ярагъуннил балгусса, цукссагу гуж ххишаласса боевиктурайн жан дукканнин данди бавцIуну бивкIссар ЦIуссалакрал РОВД-лул ххюя милица ва ца виваллил аьралуннал пулеметчик.

Гьантлул дянив вайннал арийлва байщун бувссар гьужум бувну нанисса боевиктал. Махъва-махъ лахъазан­ттуй ливчIсса, захIматсса щавурду дирсса лейтенант Халид Мурачуев ва чIивима сержант Мутай Исяев боевиктурал зулму-къия дурну ливтIуссар. ЦIубутIуй вай ятIа-тIар бакъа бакъа хьушиврун ккаллину бивкIссар. Так 2000-ку шинал к1ул хьуссар ясирну багьсса боевиктурая вайннай дурсса къиягу, бувччусса кIанттурдугу. Къуллугърал бурж биттур буллай ккаккан дурсса чувшиврухлу вайннан Аьрасатнал Виричунал цIа дуллуссар (аьпалул хьуну махъ).

Аватар

Андриана Абдуллаева

Андриана Абдуллаева

Читайте также: