Гьашину бувантIий бур 59 школа ва оьрчIал багъ

[dropcap]Я[/dropcap]нварьданул 27- нний ДР-лул БакIчи Сергей Меликовлул ва АьФ-лул мюхчаншиврул министр Тимур Ивановлул МахIачкъалалив ххал бивгьунни Дагъусттаннай социал инфраструктуралул объектру баврил масъала. АьФ-лул Президентнал ХIукмулийну «Демография»тIисса национал проектрал ва «Дуккаву лядуккан даву»тIисса федерал программалул лагрулий социал объектру буван ккаккан бувну бур Аьрасатнал Минобороналун.


– Гьашину капитал строительствалул аралуву бартбигьин аьркинсса масъаларттава агьаммину хъанай бур национал проект «Демография» ва паччахIлугърал программа «Дуккаву лядуккан даву». Миннул лагрулий Минобороналул аьралуннал строительствалул комплексрал бантIиссар 73 социал объект, – кунни Ивановлул.
Мунал тIимунийну, гьашину сентябрьданул 1-ннийнин МахIачкъалалив, Каспийскалий, Къизлардай, Дарбантлив, Избербашрай ва Буйнакскалий , мукунма республикалул 23 райондалий бувантIий бур 59 объект. Миннувату – 13 школа, 46 оьрчIал багъ.

Аьралуннал строительтурал хIадур дурну дур проект бартдигьаврил план. 2020 шинал аьралуннал строительтурал бувну бур цаппара объектру жула республикалийгу.
Сергей Меликовлул профилсса министерстварттал ва идарарттал каялувчитурайн тапшур бунни духлаган дан ми давурттаву хIасул хъанахъисса диялдакъашивуртту.