ЦIушинал хъярчру

ЦIушинал хъярчру

ЦIушинал хьхьуну ЦIусса шин хьунадакьлакьиминнаяр, духмур тIайла дуклакими, му ялату най тIий ххарими чIявусса бикIанссар…


* * *
– ЦIушинал хьхьу хьунадаркьусса куццуйри щалла шингу лагайсса.
– Варч, туну 2020-ку шинал цалчинсса хьхьуну цикссава инсантал биявав маскардаву?!

* * *
Ва ххуллухсса ЦIушинал мандариннал кьанкь цинявннан къарищунссар…

* * *
ЧIал къархьуну дучIанссар ЦIушин. Му хьхьунунин ххуй­сса ласурваврал елка чIюлу бувантIиссар, хъиннува ххуйсса ласурваврал тIурча – цалва хъами.

* * *
– ДукIусса ЦIушинайнсса хиялну буссия ялун нанисса шин хъамакъаритайсса хьуннав тIиссача, мукунсса хьугу хьунни 2020-ку шин…

* * *
– На миксса чIявусса буккавхха пIапIрус учавриясса ва хIан хIачIавриясса заралдания, ЦIушиная тиннай кьаритантIий ура…
– Ци кьаританна, къалиян учаву ягу хIан хIачIаву?
– Ккалаккаву…

* * *
Ттучандалувун увкIун адамина, цалла щарссанин ЦIушинайнсса бахшиш язи дугьлай, ттучанчинахь ва ккаккан дува, та ккаккан дува, ва кьюркьусса дур, та ххирасса дур, ва укунсса, та тукунсса тIий ссят дурну дур. ЦичIав язи дугьан къабювхъуну, ахирданий ттучанчинащал маслихIат ккаклай:
– Агарда ина ттул кулпатну бивкIссания, ЦIушинайнсса бахшишну вин ци ччанссия?
– Цама лас…

* * *
– КъулччакIуллул шиналсса оьрмугу бия кIуллул кунмасса: цала-цала нуххавун бувхсса, мивунна дукрардугу ххилай, инсан ккавкни ххивунугу нанисса…

Читайте также: